Istanbulda uch neper Uyghur qizi yoqap ketti

Ixtiyariy muxbirimiz arslan
2016-10-28
Élxet
Pikir
Share
Print
Istanbulda yütüp ketken Uyghur qizlar: ongda muslime (12 yash), sol üstide sebire (9 yash), sol töwende selime (6 yash)
Istanbulda yütüp ketken Uyghur qizlar: ongda muslime (12 yash), sol üstide sebire (9 yash), sol töwende selime (6 yash)
RFA/Arslan


Türkiyede yashawatqan Uyghurlar sanining éshishigha egiship yüz biriwatqan Uyghur perzentlerning yoqap kitish ehwalliri yéqinqi mezgillerde xéli köpiyip qalghan bolup, pat - pat dégüdek bu toghrisidiki élanlarni her qaysi ijtima'i alaqe wastiliride körüp türiwatimiz.

Bu yoqap ketken balilarning beziliri türk qérindashlar teripidin tépiwélinip ata - anilirigha saq - salamet tapshurup birilgen bolsimu, lékin yene bir qisim perzentlerni ata - anilar hazirghiche izdep yürmekte. Ikki hepte ilgiri zeytinburnu wargiller aptobus békitide 3 yashliq bir Uyghur qizini yolda kétiwatqan bir türk tépiwalghan we Uyghurlargha melum qilghan. U qiz dadisining ismning erkin ikenlikini bildürgendin kéyin, erkin isimlik pütün Uyghurlargha téléfon qilin'ghan bolsimu dadisi tépilmighan, etisi Uyghurlar sürüshte qilish arqiliq qizning ata - anisini tépip qizi bilen uchrashturghan idi. Bularmu zeytinburnugha yéngi kelgen Uyghur muhajirlardin birsi idi.

Uyghur diyaridimu ösmürlerning yoqap kétish nisbiti eng köp yüz bériwatqan bir paji'e bolup, Uyghur perzentlirige suniwatqan qara qol nurghun ata - anilarni zar - zar qaxshatqan bolsa, türkiyege kelgen ata - anilarning biperwaliqi we bixudliqi sewebidin bir qisim perzentler, yéngi mohit bilen tonushup bolghiche ariliqta, kocha yollarda adiship qélip yoqap ketmekte.

Bu qizlarning yoqap ketkenliki toghrisidiki xewer tizlik bilen istanbuldiki her qaysi saqchi orunlirigha yetküzülgen bolsimu, emma hazirghiche héchqandaq iz - dériki bolmighan. Saqchilarmu etraptiki barliq saqchixanilargha bu xewerning yetküzülgenlikini hemde jiddiy türde izdesh élip bériwatqanliqini bildürgen.

Bu heqte sherqiy türkistan ma'arip we hemkarliq jem'iyitining re'isi hidayetullah oghuzxan pikir - bayan qilip istanbulgha yéngi kelgen Uyghur muhajirlarni perzentlirige ige chiqish, yollarda tashlap qoymasliq, diqqet bilen qarash toghrisida agahlandurush berdi. Yoqap ketken qizlarni tépish üchün saqchilar bilen uchrashqanliqini bildürdi.

Sefaköyde yoqap ketken bu üch qizning anisi bu heqte toxtilip, qizlirining charshenbe küni kechte öyge qaytip kelgende yoqap ketkenlikini bilgen we u qizlarni bir kimning élip qachqanliqi we yaki özlirining chiqip ketkenliki toghrisida héchnéme oylap yételmigenlikini ipadilidi. Biraq u ayal, qizlirining anisining roxsitisiz öydin sirtqa chiqmaydighan qizlar ikenlikini tekitlidi.

Uyghur qizlirining yoqap ketkenliki toghrisida istanbulning sefaköy rayonida yashaydighan adil abdughupur ependi pikir bayan qilip yoqap ketken qizlarni tépish üchün barliq Uyghurlarni yardemlishishike chaqiriq qildi.

Yoqap ketken qizlarning dadisi seypullah bilen saqchixanigha birge barghan eniwer qaraqash ependi bu heqte toxtilip, ehwalni saqchilargha melum qilghanliqini, saqchilarning derhal heriketke ötüp izdeshke bashlighanliqini bildürdi.

Toluq bet