Бирләшкән дөләтләр тәшкилати әйдиз һәққидә йеңи мәлумат елан қилди

Бирләшкән дөләтләр тәшкилати тәрипидин елан қилинған әң йеңи мәлуматта көрситилишичә, өткән икки йил ичидә, әйдиз кесилигә гириптар болғучилар сани дуняниң һәрқайси җайлирида дегидәк көпәйгән болуп омумий сан 40 милйондин ашқан.

Бирләшкән дөләтләр тәшкилати елан қилған бу доклатта хитайдики әйдиз мәсилиси алаһидә тәкитләнгән болуп, "хитайда һазир зәһәрлик чекимликни окул қилип уруш мәсилиси интайин еғир һаләткә йәткән болуп, бу хил әһвал мәзкур җайдики әйдиз кесилиниң тарқилиш сүритини техиму тизләштүргән" дәп көрситилгән.

Мәзкур доклатта ейтилишичә, һазир әйдиз кисилигә гириптар болғучилар хитайниң һәммила өлкисидә мәвҗут болуп, асасән уйғур ели, хенән, йүннән, гуаңши вә гуаңдуң қатарлиқ җайларға мәркәзләшкән икән.

Бирләшкән дөләтләр тәшкилати елан қилған бу доклатта йәнә "хитайдики әйдиз кесилигә гириптар болғучиларниң йеримидин көп сандикиси җинсий мунасивәттә қоғдаш тәдбири қолланмиған һәмдә юқумланған аяллар сани илгирикидин көпәйгән" дәп билдүрүлгән. (Меһрибан)