Amérika dölet mejlisi lxasada amérika konsulxanisi échish üchün 6 milyon dollar ajratti

Amérika dölet mejlisi qarar qobul qilip, amérika hökümitidin tibetning paytexti lxasa shehiride bir amérika bash konsulxanisi ichishni telep qilghan hemde lxasada échilghusi amérika bash konsulxana binasining yasilishi üchün 6 milyon dollar pul ajratqan.
Muxbirimiz ömer qanat xewiri
2008-06-28
Share

 Xelq'ara tibet herikiti teripidin bu munasiwet bilen élan qilin'ghan bayanatta bildürülishiche, 19 iyun küni amérika dölet mejlisi awam palatasi we 26‏ - iyun küni bolsa, kéngesh palatasining testiqidin ötken qararda, amérika tashqi ishlar minstirlikining tibetning paytexti lxasada amérika bash konsulxanisi ichishni özining eng aldinqi wezipisi dep qarshi hemde lxasada amérika konsulxanisi ichish bedilige, xitay hökümitining amérikining xalighan bir shehiride xitay bash konsulxanisi échishigha ruxset bérishi tekitlen'gen.

Mezkur qanun layihisi amérika dölet mejlisi kéngesh pala ezaliri jumhuriyetchi jud girg we démokrat ezasi di'ana faynshtayn we amérika dölet mejlisi awam palatasi ezasi mark kirk teripidin birlikte sunulghan bolup, xelq'ara tibet herikiti hökümet bilen munasiwetler bölümining dériktori tod shtayinning éytishiche, lxasada amérika konsulxanisining échilishi tibetning tashqi dunyagha échilishida muhim rol oynaydiken hemde tibet ichidin biwaste xewer élish üchün shara'it yaritidiken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet