Amérika edliye da'irilirining doklatida amérika eskerlirining güentanamoda xitay soraqchilargha hemkarlashqanliqi pash qilindi

Doklatta, amérika bilen xitayning 2002 ‏ - yili xitay soraqchilirining güentanamoni ziyaret qilip, Uyghur tutqunlarni térgaw qilishqa yol qoyushqa potushkenlikini tekitligen.

Amérika fédératsiye tekshürüsh idarisining bash mupettishi glen fayin  Glenn Fine  ning doklat qilishiche, güentanamodiki bir Uyghur tutqun bilen ularning terjimani fédératsiye tekshürüsh idarisining bir xadimigha, xitay soraqchilar Uyghurlarni térgaw qilishtin burun tutqunlarni uzun mezgilgiche uxlatmighanliqini, ghizalandurmighanliqini, nechche sa'etlep soghuqta turushqa mejburlighanliqini bildürgen.

Bu heqtiki bir xewerde Uyghur tutqunlarning adwukati suzan menningning Susan Manning güentanamodiki amérika eskerlirini Uyghur tutqunlargha qiynash taktikisi ishlitish bilen eyibligenliki yézildi. Bash mupettish glen fayinning doklatida eskertishiche, bir Uyghur tutqun fédératsiye tekshürüsh idarisining xadimigha xitay soraqchilar uni térgaw qilidighan künning kéchisi özining her 15 minutta bir qétim oyghutulghanliqini, uzun mezgilgiche soghuq öyge solap qoyulghanliqini, az dégende bir qétim tamaq yiyelmigenlikini éytqan.

Doklatta, bu soraqlargha bezide amérika eskerlirining qatnashqanliqini, bezide xitay soraqchilarning özi yalghuz élip barghanliqini yazdi. Lékin amérika hökümiti güentanamodiki 17 neper Uyghur tutqun xitaygha qayturulsa, ularning ten jazasigha uchrash yaki ölüm jazasigha höküm qilinish éhtimalidin ensirep, 3 ‏ - bir döletke ötküzüp béridighanliqini, lékin ularni qobul qilidighan 3 ‏ - bir döletning chiqmaywatqanliqini ilgiri sürmekte. Tutqunlarning yene bir adwukati seybén willét yéqinda dölet mejliside Uyghur tutqunlarni amérikida élip qélishni telep qildi.