Amérika dölet mejlisi ezaliri, bush hökümiti güentanamodiki Uyghurlardin kechürüm sorishi kérek dédi

Amérika dölet mejlisi ezaliri xitay hökümet xadimlirining güentanamoda tutup turuluwatqan Uyghur mehbuslarni soraq qilishigha ruxset bergenliki üchün, prézidént bush hökümitini qattiq tenqid qildi hemde hökümetni güentanamodiki Uyghurlarni qoyup bérip, ularning amérikida turushi üchün shara'it yaritishqa chaqirdi.
Muxbirimiz eqide xewiri
2008.06.05

 Amérika dölet mejlisi ezaliri démokratchi bil délahent we jumhuriyetchi dana rorabaxer ependiler charshenbe küni amérika dölet mejlisi tashqi munasiwetler komitétida ötküzülgen guwahliqtin ötüsh yighinida, amérika hökümitining güentanamodiki Uyghurlardin türmide uchrighan ehwallar ‏ - azablar üchün kechürüm sorap, ulargha tölem tölishi kéreklikini bildürdi.

Yighinda, amérika dölet mejlisi tashqi munasiwetler komitéti ezaliri, amérika edliye minstirliqining bash teptishi gélen fayindin, xitay hökümet xadimlirining güentanamo türmisige kirishige néme üchün ruxset bérilgenlikini sorighan. Ular bolupmu amérika herbiy xadimlirining, xitay bixeterlik xadimlirining güentanamoda tutup turuluwatqan Uyghurlarni soraq qilishigha yardem qilghanliqini qattiq eyibligen.

Amérika dölet mejlisi ezasi dana rorabaxer amérika herbiy xadimlirining bu herikitini külkilik dep körsitip, güentanamoda tutup turuluwatqan Uyghurlarni derhal qoyup bérishi we amérikigha orunlashturushi kéreklikini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.