Amérika bilen teywen otturisidiki qoral sodisi qaytidin bashlandi

Béyjing olimpiki ayaghlashqandin kéyin, amérika bilen teywen otturisidiki 90 milyon amérika dolliriliq qoral sodisi qaytidin bashlandi. Roéytérs agéntliqining bayan qilishiche, teywen bilen béyjing otturisidiki jiddiylikni peseytish üchün layihilen'gen amérikidin qoral sétiwélish pilani, ötken bir mezgil ichide waqtinche tonglitilghan idi.
Muxbirimiz weli xewiri
2008-08-27
Share

 Teywen prézidénti mayingjyu textke chiqip, xitay - teywen otturisida yéqinliq köpiyishke bashlighandin kéyinmu, xitayning teywen'ge bolghan tehditi peseymigenliki üchün, bu pilanni ijra qilish hazir yene qaytidin bashlandi.

Xewerde bayan qilinishiche, amérika mushu heptide teywen'ge déngiz yüzidiki herbiy paraxotlarni pachaqlash üchün qollinilidighan xarpun belgilik bashqurulidighan bombidin 60 ni sétip béridu. Teywen qisimlirini küchlendürüsh üchün, amérika teywen'ge yene su asti paraxotlargha taqabil turidighan P - 3C belgilik ayropilan, F - 16C/ D belgilik hujumchi ayropilan we sün'i hemra arqiliq yönilish belgileydighan GPS sistémisi sétip béridu.

Xewer arxiplirigha qarighanda, 1949‏ - yili jangkeyshi bilen mawzédong otturisidiki ichki urushta teywen xitaydin ayrilip chiqqan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.