Америка дөләт мәҗлиси авам палатаси тибәт вә уйғурлар һәққидә қарар мақуллиди

 Америка дөләт мәҗлисидә чиқирилған мәзкүр қарар лайиһисидә, хитайниң уйғур вә тибәтләргә қаритилған бастурмичилиқ сиясити алаһидә тәнқид қилинғандин сирт, хитайниң йәнә судан һәмдә дарфур һөкүмәтлиригә көрситиватқан қоллаш позитсийиси тәнқид қилинған, шуниңдәк хитайниң мәзкүр қилмишларни қәтий тохтитиши тәләп қилинған. Бу қетим қарар, америка дөләт мәҗлиси авам палатасиниң хитайға қарши елан қилған әң күчлүк қарар лайиһиси һесаблинидикән.

Қарар лайиһисидә тәкитлинишичә, хитай юқирида тилға елинған шәртләр астида иш көргәндила андин келәр һәптә өткүзүлидиған бейҗиң олимпик тәнтәрбийә мурасимини олимпик роһиға уйғун шәкилдә әркин вә ашкара елип бериш салаһийитигә еришәләйдикән.

Америка дөләт мәҗлиси авам палатасиниң чаршәнбә күни елан қилған қарар лайиһиси биргә қарши 419 аваз билән мақулланған.