Aqsaray: amérika xitayning naraziliqigha emes, kishilik hoquqigha köngül bölidu

Amérika prézidéntining turalghusi aqsaray, jüme küni xitayning prézidént bushning Uyghur kishilik hoquq chémpiyoni rabiye qadir xanim we 4 neper xitay démokratchi zatni aqsarayda kütüwalghanliqigha qaratqan tenqidige inkas qayturup, "amérika xitayning tenqididin köprek kishilik hoquq xatirisining yaxshilinishigha köngül bölidighanliqi" ni bildürdi.
Muxbirimiz erkin xewiri
2008.08.01
Share on WhatsApp
Share on WhatsApp

 Aqsarayning bayanatchisi dana perino jüme küni prézidént bushning meyn shtatidiki qoruqida muxbirlargha bayanat bérip, " biz ularning tenqidi pikridin köprek, kishilik hoquq sahesidiki herikitige köngül bölimiz " dep körsetti.

Perino, " biz ularning kishilik hoquq, erkinlik we démokratiyide öz dölitining ehwalini yaxshilishi shundaqla prézidént bushning bu mesilidiki meydanini tonushini körüshni xalaymiz" shundaqla, " méningche biz prézidéntning öktichi zatlar bilen körüshkenlikige ularning némilerni dégenlikidin köprek, xitayning ichide néme ishlarning yüz bériwatqanliqigha qiziqimiz," deydu.

Xitay tashqiy ishlar ministirliqi prézidént bushning aldinqi küni aqsaraydiki turalghusida rabiye qadir xanim we töt neper xitay démokratchi zat bilen körüshkenlikini tenqid qilip, "bu junggogha qarshi düshmen küchlerge xata signal bergenlik" dep eyibligen idi.

Prézidént bush bu kishiler bilen körüshkende özining olimpik murasimigha barghanda ularning erkinlik toghrisidiki pikir teleplirini xitay dölet re'isi xu jintawgha yetküzüshke wede bergen. Rabiye qadir xanim, bushning Uyghur siyasiy mehbuslargha ölüm jazasini toxtitish, térrorluq we olimpikni bahane qilip, Uyghurlargha zerbe bermeslik, diniy ibadet erkinliki, olimpik bahanisida qolgha élin'ghanlarni qoyuwétish... Qatarliqlarni otturigha qoyushini telep qilghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.