Америка қатарлиқ дөләтләрниң зимбабвени җазалаш пикри хитайниң қаршилиқиға учриди

Чарәк әсирдин буян зимбабведә һоқуқ тутуп келиватқан роберт мугабе наһәқ васитиләр билән зимбабвегә йәнә президент болуп сайлиғандин кийин, б д т дә америка рәһбәрликидики бир қанчә дөләтләр зимбабвегә җаза қоллиниш пикрини оттуриға қойған болсиму, әмма хитайниң қаршилиқиға учриди.
Мухбиримиз җүмә хәвири
2008-06-30
Share

 Бирләшмә агентлиқида бу һәқтә берилгән хәвәрдә көрситилишичә, хитайда зиярәттә болған америка ташқи ишлар министири кондализа райс хитай ташқи ишлар министири яң җйечи билән елип берилған сөһбәт җәрянида зимбабве сайлам мәсилисини оттуриға қойған болсиму, әмма яң җйечи һазир зимбабведики вәзийәтни муқимлаштуруш үчүн тәрәпләр арисида сөһбәт өткүзүшни бирқәдәр мувапиқ дәп қарайдиғанлиқини билдүргән.

Шәнбә күни америка президенти буш, мугабениң һөкүмитини "қанунсиз һөкүмәт" дәп атап, америкиниң өз иттипақдашлири билән бирликтә зимбабвегә техиму еғир җаза қоллиниш үстидә тиришиватқанлиқини билдүргән һәмдә у йәнә, бирләшкән дөләтләр тәшкилати бихәтәрлик кеңишидин зимбабвегә қорал ‏ - ярақ ембаргоси қоюш вә зимбабве рәһбәрлириниң башқа дөләтләргә сәпәр қилиш һоқуқини чәкләш қатарлиқларни өз ичигә җаза қоллинишни тәләп қилған иди.

Зимбабведә елип берилған президент сайлимида, зимбабведики асаслиқ өктичи партийә рәһбири морган тсваңираи сайлам һоқуқидин ваз кечишкә мәҗбурланғандин кейин, зимбабведә 1980 - йилидин буян һоқуқ тутуватқан мугабе сайламда ғәлибә қилғанлиқини елан қилған вә йәкшәнбә күни президентлиқ һоқуқини тапшурувалған болуп, бу мугабениң зимбабвегә 6 - қетим президент болуши болуп һесаблиниду.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт