Президент буш дөләт мәҗлисидики демократик партийә вәкиллирини нефит мәсилисидә тәнқид қилди

Йеқинқи айлардин буян нефит енергийә баһасиниң тез сүрәттә өсүп кетиши пәқәт америка характерлиқ болуп қалмастин бәлки дуняви мәсилигә айланди. Аһалиларниң аптомобил ишлитиш нисбити әң юқири һесаблинидиған америкида май баһасиниң өсүп кетиши америкилиқларниң иқтисадий һаятиға җиддий тәсирләрни пәйда қилмақта.
Мухбиримиз үмидвар хәвири
2008.06.22

Президент буш дөләт мәҗлисидин америкиниң бәзи деңиз бойлиридики нефитликләрни ечиш арқилиқ енергийә мәсилисини һәл қилишни оттуриға қойған болсиму, бирақ дөләт мәҗлисидики демократик партийидин болған әзаларниң қаршилиқиға учрап, мәзкур тәклип мәҗлистин өтмигән иди.

Америка авазиниң учуриға қариғанда президент буш шәнбә күни енергийә мәсилиси һәққидә сөз қилғанда, демократик мәҗлис әзалирини тәнқид қилиш билән биргә йәнә бир қетим дөләт мәҗлисидин деңиз бойлирида нефитлик ечиш тәшәббусини қобул қилишни һәмдә мәҗлисиниң америкиниң бир қисим деңиз бойлиридики нефитликни ечишни чәклишини бикар қилишни оттуриға қойған. Америка дөләт мәҗлиси 80 - йилларда бу чәклимини бекиткән.

Президент буш әгәр бу нефитликни ачқанда, америкиниң енергийә еһтияҗини йениклитиш мумкинликини оттуриға қойған. Бирақ, демократик вәкилләр президент бушниң арқисида нефит санаити барлиқи үчүн бу тәшәббусни оттуриға қойғанлиқ билән тәнқид қилған.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.