Америка муавин президенти дек чәйний грузийини зиярәт қилди

Пәйшәнбә күни грозийидә зиярәттә болған америкиниң муавин президенти дек чәйний, русийиниң грузийигә қаратқан һәрбий һәрикитини қаттиқ әйибләп, бу һәрикәтни грозийиниң хәритисини қайтидин сизип чиқиш мәқситидә елип берилған " қанунсиз бир ишғал һәрикити" дәп көрсәтти.
Мухбиримиз әқидә хәвири
2008.09.04

  Дек чәйний грозийиниң президенти сакашивели билән бирликтә грозийиниң пайтәхти тиблис шәһиридә өткүзгән мухбирларни күтүвелиш йиғинида бәргән баянатида, русийиниң грузийигә қаратқан ишғал һәрикитиниң русийиниң мәқсәтлири һәмдә русийиниң ишәнчликлики һәққидә шүбһә пәйда қилғанлиқини билдүрди.

Баянатида, 2003 йили грозийидә демократийә ғәлибә қилиши билән америкиниң бу йеңи демократик дөләткә ярдәм қолини узатқанлиқини тәкитләп, " биз бу қетим силәрниң игилик һоқуқиңларға қаритилған қанунсиз ишғал һәрикитигә силәр билән бирликтә қарши туримиз" деди.

Баянатида, чаршәнбә күни америка һөкүмити тәрипидин елан қилинған бир милярд долларлиқ ярдәмниң америкиниң грузийигә беридиған ярдиминиң пәқәт бир қисими икәнликини әскәрткән америка муавин президенти дек чәйний, "шималий атлантик окян әһди тәшкилатиниң әзалири өзлириниң бухарест шәһиридә өткүзгән алий дәриҗилик йиғинида елан қилғинидәк грузийини чоқум шималий атлантик окян әһди тәшкилатиниң әзалиқиға қобул қилиду вә грозийә бизгә иттипақдаш дөләтләр сепигә кириду " деди.

Грозийә америка муавин президенти дек чәйниниң сабиқ совит җумһурийәтлири вә шәрқий яврупа дөләтлиригә қаратқан зияритиниң иккинчи басқучи иди. Чәйний грузийидин бурун әзәрбәйҗанни зиярәт қилди.

Мунасивәтлик хәвәрләр
Дуня хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.