Gruziye, rusiye herbiy qisimlirining gruziyidin pütünley chikinmigenlikini bildürdi

 Amérika we fransiye bolsa rusiyini urushni toxtitish toghrisida amérika we fransiyining teshebbusi bilen rusiye we gruziye otturisida imzalan'ghan kélishimge hörmet qilishqa we gruziyidin pütün herbiy qisimlirini chékindürüshke chaqirdi.

Xewerlerge qarighanda, ikki hepte awal gruziyige qarshi herbiy heriket bashlitip, gruziyining nurghunlighan jaylirini ishghal qilghan rosiye, gruziyining muhim merkezliridin herbiy qisimlirini chékindürüp, gruziye saqchi qisimlirining gori shehirining kontrolluqini qolgha élishigha ruxset qilghan.

Lékin gruziyidiki muhim we istratégiyilik yollar hélimu rus herbiy qisimlirining kontrolluqida shuningdek rusiye hökümiti shenbe küni rus herbiy qisimlirining gruziyining qara déngiz diki muhim porti hésablan'ghan puti shehridiki charlash pa'aliyetlirining dawamlishdighanliqini bildürdi.

Gerche puti shehiri rusiye özi belgiligen rus herbiy qisimlirining tinchliqni saqlash pa'aliyet rayonining sirtida bolsimu, lékin rusiye herbiy qisimliri bash shtabining mu'awin re'isi général anatoli nogawtsin shenbe küni bergen bayanatida, rus herbiy qisimlirining puti shehiridiki charlash pa'aliyetlirini dawamlashturushi, urushni toxtitish toghrisida imzalan'ghan kélishimge xilap emes dep körsetken.

Bügün hem amérika prézidénti jurj bu hem fransiye prézidénti sarkoziy bayanat élan qilip, rusiyini herbiy qisimlirini gruziye téritoriyisidin pütünley chékindürüshke chaqirdi. Shuningdek gérmaniye hökümitimu shenbe küni rusiyidin herbiy qisimlirini urush bashlashtin burunqi jaylirigha chikindürüshini telep qildi.