Русийә парламенти абхазийә вә җәнуби оссетийиниң мустәқиллиқини тонуйдиғанлиқини җакарлиди

Русийә парламенти бүгүн абхазийә вә җәнуби ассетийә мустәқиллиқини авазға қоюп, русийә президентини абхазийә билән җәнубий оссетийиниң мустәқиллиқини тонушқа чақирди. Чақириқ парламентта толуқ аваз билән тәстиқланди.
Мухбиримиз шөһрәт һошур хәвири
2008-08-25
Share

 Парламент баянатчилиридин борис грйзлов йиғинда сөз қилип, русийиниң кавказийә тинчлиқидики тарихий капаләтчилик роли техиму күчийиватиду" дегән. У йәнә " кавказийә тарихтин буян русийиниң истратегийилик мәнпәәт чегриси ичидә болуп кәлгән, бундин кейинму шундақ давамлишиду" дегән.

Русийә парламентниң бу қарариға америка вә явропа бирлики дәрһал инкас қайтурди. Ақ сарай алақидар баянатида, русийиниң җәнуби ассетийә билән абхазийиниң мустәқиллиқини тонушини қобул қилғини болмайдиғанлиқини билдүрди. Баянатта йәнә" русийә грузийиниң земин пүтүнлүкигә һөрмәт қилиш керәк дәп әскәртилди.

Явропа бирлики баянатида, җәнубий ассетийә билән абхазийә грузийиниң бир парчисидур" дәп билдүрүлди. Германийә баш министири ангела меркел баянатида, "мәзкур икки районниң мустәқиллиқини тонуш, районниң хәтәрлик вәзийитини техиму яманлаштуруветиду" дәп агаһландурди.
 
Ақ сарай өткән һәптә, америка муавин президенти дик ченейниң келәр һәптә грузийә, украинийә вә әзәрбәйҗанни зиярәт қилидиғанлиқини елан қилған иди. Көзәткүчиләр русийә парламентиниң мәзкур қарарини дик ченейниң кавказийә зияритигә қарита наразилиқ хитаби дәп қаримақта.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт