Америка, б д т кишилик һоқуқ мутәхәссислирини гүәнтанамони зиярәт қилишқа тәклип қилди


2005-10-31
Share

Америка һөкүмити йәкшәнбә күни б д т ниң үч нәпәр кишилик һоқуқ мутәхәссислирини, америкиниң кубаниң гүәнтанамо арилидики тутуп туруш базисида тәкшүрүш елип беришқа тәклип қилди.

Америка бирләшмә ахбарат агентлиқиниң хәвиригә қариғанда, б д т ниң мутәхәсислирини бу тәклибни қарши алған. Әмма улар тәкшүрүш вақтиға аран бир күн берилгәнлики вә мәһбусларни халий зиярәт қилишқа иҗазәт берилмигәнликтин әпсуслинидиғанлиқини билдүргән.

Хәвәргә қариғанда, б д т ниң мутәхәссислири бу тәклипни қубул қилишни қарар қилған болсиму, әмма мәһбуслар билән айрим учрашмаслиқ һәққидики шәртни рәт қилған. Бу америкиниң, б д т гүәнтанамодики тутуп туруш орнини тәкшүрүш илтимаси сунуп, төт йилдин кейин буниңға рухсәт қилиши.

Хәлқара кишилик һоқуқ тәшкилатлири америкиниң афғанистанда тутулған мәһбусларни гүәнтанамода кисимсиз тутуп турушини қаттиқ әйибләп кәлгән. Гүәнтанамо базисида һәтта йигирмә нәччә мәһбусниң ачлиқ елан қилип, уларниң ейтиши бойичә хорлуқ вә қәбиһ муамилиләргә қаршилиқ билдүргәнлики һәққидә хәвәрләр чиққан иди. Әмма америка даирилири, мәһбусларниң инсанларчә муамилә қиливатқанлиқида чиң турған.

Хәвәргә қариғанда, б д т ниң кишилик һоқуқ мутәхәсислири 12 - айниң 6 - күни гүәнтанамо тутуп туруш орнини зиярәт қилиши мумкин. Хәлқара кишилик һоқуқни көзитиш тәшкилати , америкиниң бу тәклипини қарши алди, әмма буниң йитәрлик әмәсликини билдүрүп, америкини б д т тәкшүргүчилириниң мәһбуслар билән халий учрушушқа капаләт қилишқа чақирди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт