Isra'iliye bash ministiri ormut resmiy istipa berdi

B b s agéntliqining xewer qilishiche, ormutning ornigha isra'iliye siyaset qatlimidiki mötidillar qatlimigha mensup tzippi liwnining 42 kün ichide yéngi birleshme hökümet teshkil qilishi, isra'iliye dölet mejlisidiki 120 ezaning 61 nepirining bu hökümetke tewe ademler bolushi belgilen'gen. Eger u, 61 neper parlamént ezasigha ige bolghan yéngi hökümetni teshkilliyelmise, bashqa ademning yéngi hökümet teshkillishi lazim iken.

Ormut 7 - ayda istipa béridighanliqini élan qilghan bolup, u chiriklik bilen eyiblen'gen. U özining sap ikenlikini, özi üstidin tekshürüshni qobul qilidighanliqini bildürüsh bilen bash ministirliq wezipisidin waz kechken.

Ormut pelestin - isra'iliye toqunushini hel qilish üchün köp heriket qilghan shexs bolup, uning dewride bu mesile hel bolmidi. Pelestin - isra'iliye krizisining kélerki qétimliq isra'iliye bash ministiri mezgilide qandaq tereqqiyatlargha érishishi hazirche éniq emes.