Канада пуқралириниң канада паспорти һәққидики баянлири


2007-03-05
Share

2 ‏- Март күни "торонто юлтузи" тор бетидә, "паспортимизниң инавити йоқ" дегән темида мақалә илан қилинди.

Бу мақалидә канадаға келип панаһлиқ тиләп канада пуқраси болғандин кийин, башқа дөләтләрдә зиярәт вә тиҗарәттә болуш җәрянида аваригәрчиликкә йолуққанларниң әһвали вә канада һөкүмитиниң буларға тутқан позисийсигә наразилиқлар ипадиләнгән.

"Вәтән толиму сеһрлик . Лекин, канада пуқралири хәтәрлик тупрақларға қәдәм бесип, келишмәсликкә йолуқса канада паспорти һечқандақ панаһ болалмайду" дәп язиду аптор. Аптор йәнә , өзбекистанға берип аваричилиққа йолуққан, кийин өзбек һөкүмити хитайға өткүзүп бәргән канада пуқраси һөсәйин җелил һәққидиму алаһидә тохталған.

Хитайдин қечип қирғизистан, өзбекистан қатарлиқ әлләрдә сәрсан болған содигәр һөсәйин җелил, канадаға келип панаһлиқ тилигән вә пуқралиққа еришкәндин кийин оттура асияға қилған бир қетимлиқ зияритидә қолға елинип хитайға қайтурулған.

Аптор бу һәқтә тохтилип, "хитайдәк бәзи дөләтләр, қош дөләт пуқралиқ салаһийтини пәқәт етирап қилмайду. Канада һөкүмити һөсәйин җелилни йоқлаш яки униң дерикини елиш җәһәттә тиришчанлиқ көрсәтмиди. Шуңа һөсәйин җелил һазир хитайниң ғәрбидики бир түрмидә уйғур елидә өткүзгән бурунқи қилмишлири үчүн еғир җазаға тартилиш һәтта етилип кетиш хәвпидә ятмақта" дәп йезип канада һөкүмитини өз пуқралириға игә болушқа вә уларға панаһ болушқа үндәйду. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт