Куалалумпурдики мәшәл йәткүзүш паалийити күчлүк бихәтәрлик тәдбирлири астида өткүзүлди

21 ‏ - Апрел бейҗиң олимпик мәшилини йәткүзүш паалийити малайсияниң куалалумпур шәһиригә йетип кәлгән. Қаршилиқ намайишлири вә күтүлмигән һадисиләрниң алдини елиш үчүн, малайшия һөкүмәт даирилири бихәтәрлик тәдбирлирини күчәйткән болуп, мәлум болушичә, сақчилар 1000 нәпәр сақчи офитсерлирини паалийәт мәйданиға орунлаштурған.
Мухбиримиз җүмә хәвири
2008.04.21

 Мәшәл паалийити куалалумпурдики әркинлик мәйданида елип берилған һәмдә мәзкур паалийәтни көрүшкә 3миңға йеқин адәм қатнашқан болуп, ройтерста көрситилишичә, мәшәл йәткүзүш паалийитигә қанташқучиларниң көпинчиси малайсияда оқуватқан хитай оқуғучилар вә шу җайда турушлуқ хитайлардин тәшкил тапқан икән.

Гәрчә куалалумпурдики мәшәл йәткүзүшүш паалийитидә париж, лондон, истанбулдикидәк зор көләмлик қаршилиқ намайишлири тәшкилләнмигән болсиму, әмма шу күни тибәтниң дөләт байриқини чиқирип ләпилдәткән 3 нәпәр японийилик бир аилә кишилири, бир раһиб вә йәнә бир нәпәр әнглийә пуқраси намайиш мәйданидин елип кетилгән.

Бирләшмә агентлиқиниң хәвәр қилинишичә, бу японийиликләр тибәтниң дөләт байриқини чиқарғандин кейин мәшәл йәткүзүш паалийитини қоллиғучи хитайларниң йолсизлиқлириға учриған һәмдә вәқәгә шаһитларниң билдүрүшичә, улар "тибәткә әркинлик" дегәнгә охшаш шоарларни товлашқан икән.

Бейҗиң олимпик мәшили 22 ‏ - апрел һиндонезийиниң җакарта шәһиригә, 24 ‏ - апрел австралийиниң пайтәхти камбераға, 26 ‏ - апрел японийигә йетип келидиған болуп, японийидики зәнкоҗи ибадәтханиси хитайниң тибәттә елип барған бастуруш һәрикитигә наразилиқини ипадиләп, олимпик мәшилини йәткүзүш паалийитини мәзкур ибадәтханиға йеқин йолатмайдиғанлиқини билдүргән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.