Мия фарров хәлқара җәмийәтниң хитайға бесим ишлитип, берма һәрбий һөкүмитини қоллашни тохтитишини тәләп қилди

Америкиниң холливуд кино чолпани, кишилик һоқуқи паалийәтчиси мия фарров җүмә күни дуняниң йетип келиш алдидики бейҗиң олимпик йиғинидин пайдилинип, хитайға берма һәрбий һөкүмити билән болған мунасивитини тохтитиш тоғрисида бесим ишлитишни тәләп қилди.
Мухбиримиз әркин хәвири
2008-07-25
Share

 Фарров ханим шу күни бирләшмә агентлиқиға бәргән баянатида мундақ дегән": әгәр хәлқара бесим йетәрлик болса шундақла әгәр йетәрлик зилзилә пәйда болса, хитайниң берма мәсилисидики мәйданини өзгәртәләймиз."

Фарров ханим йәнә, америка президенти бушни "олимпик йиғининиң ечилиш мурасимиға қатнишишни қарар қилиш арқилиқ хитайниң берма билән болған мунасивитигә қарши қәтий болушниң пурситини қолдин берип қойди" дәп әйиблиди. У " мән бушниң олимпик йиғиниға бармаслиқини үмид қилаттим, чүнки бу америкиниң өз принсипида қәтий турушта керәклик болған бир пурситини қолдин берип қойди" дәйду.

Мия фарров илгири хитайдин судан даирилириниң дарфурдики қирғинчилиқини тохтитишқа ярдәмдә болушни тәләп қилған иди. Мия фарров юқириқи сөзләрни нобил тинчлиқ мукапатиға еришкән аяллар тәрипидин қурулған "нобел аяллар тәшәббуси" дәйдиған бир органниң вәкиллирини башлап берма - тайланд чегрисини зиярәт қилғандин кейин, тайланд пайтәхти банкокта өткүзгән ахбарат елан қилиш йиғинида тәкитлиди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт