Непал даирилири катмандуда намайиш қилған тибәт мусапирлиридин 100 нәччә кишини қолға алди

Непал сақчи даирилири җүмә күни пайтәхт катмандудики хитай әлчиханиси алдида йиғилиш өткүзүп, хитайниң тибәттики һөкүмранлиқиға қарши чиққан тибәт мусапирлиридин йүз нәччә кишини қолға алған.
Мухбиримиз әркин хәвири
2008.07.25

 Кишилик һоқуқни көзитиш тәшкилати алдинқи күни непал даирилириниң бу һәрикитини тәнқидләп, катмандуниң тибәтлик намайишчилар вәқәсидә хитайниң бесимиға тиз пүккәнлики, тибәт намайишчилирини тутқун қилишниң хитайға "яхшичақ"болуш икәнликини илгири сүргән иди.

Сақчилар җүмә күни катмандудики хитай әлчиханиси алдиға йиғилған тибәтлик намайишчилар ни тарқитиветиштин бурун, намайишчилар хитайниң тибәттики һөкүмранлиқиға қарши шуар товлиған иди. Лекин катманду сақчи тәрәп баянатчиси тибәт намайишчилириниң кейинрәк қоюп берилидиғанлиқини билдүргән. Бу йил 3 ‏ - айда тибәт пайтәхти лхасада хәлқ исяни йүз бәргәндин бери, катмандуда һәр күни дегүдәк хитайға қарши намайиш йүз бәрмәктә.

Кишилик һоқуқни көзитиш тәшкилати пәйшәнбә күни елан қилған бу һәқтики баянатида непал даирилириниң 10 ‏ - марттин 18 ‏ - июлға қәдәр җәмий8350 нәпәр тибәт мусапирини тутқун қилғанлиқини тәнқидлигән иди.

Хитай ташқи ишларминистирлиқиниң баянатчиси лю җйәнчав пәйшәнбә күни кишилик һоқуқни көзитиш тәшкилатиниң бу вәқә тоғрисидики тәнқидини рәт қилип, җуңгониң достанә бир қошна дөләткә бесим ишләтмәйдиғанлиқи, бу җуңго һөкүмитиниң ташқи сиясити әмәслики, лекин непалниң тибәт намайишчилирини бастурғанлиқини " қоллайдиғанлиқи"ни тәкитлигән. Непалда аз дегәндә 20 миң тибәтлик мусапир яшимақта иди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.