En'giliye bash ministiri browén béyjing sepiride kishilik hoquq mesilisini tilgha alidu

 Bash ministir browénning en'giliye parlaméntidiki 3 ‏ - chong partiye libéral démokratlar partiyisining rehbiri nik kréyg'ke yazghan xétide olimpik musabiqisini qollash bedilige " kishilik hoquqning qurban qilinmaydighanliqi"ni tekitligen.

Browén mundaq yazidu": men béyjinggha barghanda....Re'is xu jintaw we bash ministir wén jyabawlargha kishilik hoquqni hörmetleshning olimpik yili bilen cheklenmeydighanliqini, belki da'imiy mesile ikenlikini éniq chüshendürümen." Lékin browén yene xitayni dunyaning asasi éqimigha qatnashturush en'giliyining " milliy menpe'etige uyghun kélidighanliqi"ni tekitligen.

Kishilik hoquq teshkilatliri xitayning olimpik mezgilidiki kishilik hoquq xatirisini tenqidligen. Xelq'ara kechürüm teshkilati olimpik xitayning kishilik hoquq xatirisini arqigha chékindürüwetkenlikini ilgiri sürmekte idi.

En'giliye parlaméntidiki libéral démokratlar partiyisining rehbiri nik kréyg, browén xitaygha qarap yolgha chiqishtin burun uninggha xet yézip, bu jehettiki qayghulirini otturigha qoyghan.

2012 ‏ - Yili ötküzülidighan olimpik yighini en'giliyining london shehiride élip bérilidu. Bash ministir browén béyjing olimpik yighinining yépilish murasimigha ülgürüsh, béyjingdin ‏2012 ‏ - yilqi olimpik yighinining sahipxanliqini ötküzüwélish murasimigha qatnishish üchün béyjinggha qarap yolgha chiqqan idi. Lékin u shu küni béyjing sepirining öte yolida afghanistanda toxtap, afghanistan prézidénti xamid karzay bilen uchrashqan hem afghanistandiki en'giliye qisimlirini yoqlighan.