Кәлгүси олимпикта кишилик һоқуқ хатирисиму таллаш җәряниниң бир қисми болуши керәк

Нюйорк шәһиригә җайлашқан кишилик һоқуқини көзитиш тәшкилати, хитайни олимпик саһибханлиқини елиш мәзгилидә бәргән вәдилирини ақлап, кишилик һоқуқ вә демократийигә һөрмәт қилишқа чақирған болуп, франсийә агентлиқида нәқил елип көрситилишичә, хитайда нөвәттә садир болуватқан кишилик һоқуқ дәпсәндичиликлириниң көпинчиси олимпик билән биваситә бағлинишлиқ икән.
Мухбиримиз җүмә хәвири
2008.07.24

 Токйода зиярәттә болуватқан кишилик һоқуқни көзитиш тәшкилатидики хитайға мунасивәтлик тәтқиқат билән шуғуллинидиған пһәмлим кайн, бейҗиң олимпики билән биваситә алақидар һәмдә интайин пакитлиқ кишилик һоқуқ дәпсәндичиликлири техичә шу пети һәл қилинмайватқанлиқини көрсәткән.

Олимпик йеқинлишип келиватқан хитайда садир болуватқан ахбарат әркинликиниң чәклиниш, мәҗбурий көчүрүш, бейҗиңлиқ болмиғанларни бейҗиңдин қоғлаш қатарлиқларни әйиблигән кайн әпәнди йәнә, хитай һөкүмитиниң өз хәлқини ғәрб мәтбуатлириға қарши қутрутуш һәрикити елип бериватқанлиқиниму тәнқид қилған.

Хәвәрдә көрситилишичә, кишилик һоқуқни көзитиш тәшкилати хәлқаралиқ олимпик комитетиға бир тәклип йоллиған болуп, тәклиптә, кәлгүсидә олимпиккә саһибхан дөләтләрни таллашта, кишилик һоқуқ хатирисиниңму таллаш җәряниниң бир қисми болуши керәклики көрситилгән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.