Пакистанда икки нәпәр хитай инженери йоқап кәтти
Мухбиримиз җүмә хәвири
2008.09.01
2008.09.01
Мәлум болушичә, бу икки нәпәр хитай инженер вә уларниң шопури вә бир қоғдиғучиси афғанистан чегрисиға йеқин җайлашқан дир районида алақә үскүнисини ремонт қилип қайтишида йоқап кәткән.
Дир райони пакистанниң қәбилә райони сват җилғиси билән чегридаш болуп, илгири бу районда пакистан әскәрлири талибан қораллиқ күчлири билән соқушқан иди.
Ройтериста дир райони сақчи идариси башлиқи һәсән шаһниң ейтқанлирини нәқил елип көрситилишичә, бу нөвәт йоқап кәткән икки нәпәр хитай инженер хитай көчмә хәвәрлишиш ширкитиниң хадимлири болуп, хитайниң көчмә хәвәрлишиш ширкити өткән айда мәзкур районда ишқа киришкән икән.
Йоқап кәткән хитай инженерлири вә икки нәпәр пакистанлиқ һәққидә һечқандақ мәлумат йоқ болуп, һазирғичә бирәр қораллиқ гуруппа өзлириниң бу ишни үстигә алидиғанлиқини елан қилмиған.
Бу пакистанда хитай инженерлириниң иккинчи қетим йоқап кетиши болуп, 2004 - йили өктәбирдә икки нәпәр хитай инженери җәнуби вәзиристан қәбилә районида йоқап кәткән иди.