Pakistanda ikki neper xitay inzhénéri yoqap ketti

Ötken hepte jüme küni pakistanda ikki neper xitay inzhénéri we ikki neper pakistanliq yoqap ketken bolup, roéytérs agéntliqida körsitilishiche, nöwette pakistan saqchi da'iriliri bu kishilerni izdeshke bashlighan.
Muxbirimiz jüme xewiri
2008.09.01

 Melum bolushiche, bu ikki neper xitay inzhénér we ularning shopuri we bir qoghdighuchisi afghanistan chégrisigha yéqin jaylashqan dir rayonida alaqe üskünisini rémont qilip qaytishida yoqap ketken.

Dir rayoni pakistanning qebile rayoni swat jilghisi bilen chégridash bolup, ilgiri bu rayonda pakistan eskerliri taliban qoralliq küchliri bilen soqushqan idi.

Roytérista dir rayoni saqchi idarisi bashliqi hesen shahning éytqanlirini neqil élip körsitilishiche, bu nöwet yoqap ketken ikki neper xitay inzhénér xitay köchme xewerlishish shirkitining xadimliri bolup, xitayning köchme xewerlishish shirkiti ötken ayda mezkur rayonda ishqa kirishken iken.

Yoqap ketken xitay inzhénérliri we ikki neper pakistanliq heqqide héchqandaq melumat yoq bolup, hazirghiche birer qoralliq guruppa özlirining bu ishni üstige alidighanliqini élan qilmighan.

Bu pakistanda xitay inzhénérlirining ikkinchi qétim yoqap kétishi bolup, 2004 - yili öktebirde ikki neper xitay inzhénéri jenubi weziristan qebile rayonida yoqap ketken idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.