Rusiye abxaziye we jenubiy ossétiye bilen dostluq shertnamisi imzalidi

 Krémil sariyida ötküzülgen imza murasimida söz qilghan rusiye prézidénti Medvedev, tüzülgen shertnamining meqsitini ikki rayonning bixeterlikini qoghdash dep chüshendürdi. U sözide yene: " shertnamini, rayon bixeterlikige, kelgüsi tehditlerge qarita ortaq tedbir qollinish üchün imzaliduq, biz bu rayonda her qandaq eskiriy arilishishqa yol qoymaymiz " dep eskertken we " héchkim bu nuqtida xata xiyallarda bolmisun "dep agahlandurghan.

Shertname imzalan'ghandin kéyin, gruziye buninggha derhal inkas qayturdi. Gruziye tashqi ishlar ministiri Grigol Vashadze bergen bayanatida, " abxaziye bilen Tskhinvali rayoni gruziyining bir parchisi, shertname xelq'ara qanunlargha tamamen xilap dep eyiblidi.