Xitay bilen rusiye yadro kélishimi imzalap, amérikining bashqurulidighan bomba mudapi'e pilanini tenqid qildi

 Rusiye kélishimdiki bir milyard dollarning yérimini xitaygha yadro yéqilghu qoyuqlash eslihesi qurup bérishke serp qilip, qalghan 500 milyon dollargha xitayni yérim qoyuqlandurulghan uran bilen teminleydiken. Mezkur kélishim rusiyining xitay yadro sana'itidiki rolini kücheytidu, dep qaralmaqta.

Ikki dölet rehbiri jüme küni qoshma bayanat élan qilip, amérikining yer shari bashqurulidighan bomba mudapi'e sistémisi qurush pilani " istratégiyilik tengpungluq we muqimliqqa yaki qirghinchi qorallarni kontrol qilish yolidiki xelq'ara tirishchanliqqa paydisiz " dep körsetti. Xitay dölet re'isi xu jintaw axbarat élan qilish yighinida, "médwédéwning textke chiqqandin kéyin tunji chet'el ziyaritini xitayda élip barghanliqini maxtap, " bu ziyaret bizning istratégiyilik shériklik munasiwitimizni ilgiri süridighanliqi, yéngi pellige kötüridighanliqigha ishinimen ' dep sözlidi. Médwédéw bolsa " bizning munasiwitimizde aqsaqliqning bolmasliqi nahayiti muhim " dep eskertidu.
 Lékin rusiye komérsant gézitide jüme küni élan qilin'ghan "istratégiyilik mesililer ' dégen mawzudiki bir maqalide, rusiyining xitay bilen bolghan dostluqi énérgiye we qoral - yaraq hemkarliqidiki ixtilaplar tüpeylidin tehditke uchrawatqanliqini yazdi.

Maqalide " sherqiy sébir - tinch okyan néfit turubisining tarmiqi shübhe astida qalghanliqi ", rusiye, xitayning 38 dane herbiy transport ayrupilani sétiwélish pilanining yoqqa chiqqanliqidin xapa ikenlikini ilgiri sürgen.