Xitay saqchi da'iriliri 6 Uyghurni étip öltürgen

 Shinxu'a xewer agéntliqi we xitay xewerliri agéntliqining bildürüshiche bu jüme kuni, yerlik saqchilar qeshqer wilayiti teweside basturush herkiti élip barghan bolup bu heriketning esli meqsiti mushu ayning 12 - kuni qeshqerde öltürülgen 3 neper bixeterlik xadimining délosigha chétishliq dep guman qilin'ghan bir guruppa bölgünchilerni qolgha chüshürüsh iken.

Shinxu'a xewer agéntliqining bildürginige qarighanda saqchilar bir qonaqliq étizliqida pichaq bilen qorallan'ghan bu 9 neper kishi bilen uchrushup qalghan bolup bu kishiler saqchilarning "teslim bol" dégen agahlandurushigha qarshiliq körsetken we ikki neper saqchini yarilandurghan iken.

Saqchilar buninggha qoral bilen jawap bergen netijide 6 neper Uyghur gumandar dep qarilip neq meydanda étip öltürülgen we 3 nepiri yarilandurulghan.

Fransiye axbarat agéntliqining bildürüshiche otken bir aydin buyan shinjangda Uyghurlar bilen xitay hökümiti arisida köp qétim toqunushlar yüz bergen bolup 8 - ayning 4 - küni qeshqerde yüz bergen qanliq weqede 16 neper xitay saqchisi öltürülgen.

Qeshqerde yüz bergen weqedin 6 kun kiyin, kuchada bir neper bixeterlik xadimining öltürülüsh hadisisi meydan'gha kelgen.
 
8 - Ayning 12 - küni qeshqerning yamanyar yézisidiki tekshürüsh ponkitida mezkür ponkitta ishleydighan 3 neper bixeterlik xadimi pichaq bilen öltürülgen we bir nepiri éghir derijide yaridar bolghan.

Bu charshenbe kuni bolsa qeshqerde qonaqliqta gumanliq kishilerni izdewatqan ikki neper saqchi kimliki namelum kishiler teripidin öltürüldi.

Chet'ellik mutexesislernng tehlil qilishiche yéqindila axirlashqan xelqara olimpik yighinining aldi keynide Uyghur musteqilchiliri özlirining musteqilliq dawasini dunyagha tonushturiwélish üchün pa'aliyetlirining qedimini téximu tizletken iken.

Mezkur agéntliqning bildurginige qarighanda shinjangdiki musulman Uyghurlar on nechche yillardin biri dawamlishiwatqan xitay hökümitining éghir zulmida qiynalmaqta iken.