Миллий қирғинчилиқ җинайити өткүзгән карадзик хәлқара сотқа тутуп келинди

1992 ‏ - Йилидин 95 ‏ - йилиғичә давамлашқан босния - һәрсәк уруши җәрянида, хәлқара сот тәрипидин йәрлик хәлққә етник қирғинчилиқ йүргүзди дәп әйиблинип тутуш буйруқи чүшүрүлгән әйни вақиттики серб рәһбири радован карадзик бүгүн голландийиниң гаага шәһиридики хәлқара сотқа елип келинди.
Мухбиримиз вәли хәвири
2008.07.30

 Бирләшмә агентлиқиниң язғучиси досан стоҗановикниң баян қилишичә, бирләшкән дөләтләр тәшкилатиниң хәлқара соти карадзикни етник қирғинчилиқ йүргүзди дәп әйибләп 1995 ‏ - йили тутуш буйруқи чүшүргәндин кейин, җинайәтчи қечип - йошурунуп йүргән иди. У сербийидә тутулғандин кейин, сербийә даирилири җинайәтчини хәлқара сотқа өткүзүп бәрди, буни б д т ниң баянатчиси лиям микдовал испатлиди.

Шинхуа агентлиқи бу һәқтә хәвәр бәргәндә, сербийидики өктичи партийиләр 29 ‏ - июл күни 15 миң кишилик намайиш өткүзүп, карадзикни хәлқара сотқа өткүзүп беришкә қарши турди вә карадзикни миллий қәһриман дәп атиди дәп алаһидә тәсвирлиди.
Мунасивәтлик хәвәрләр
Дуня хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.