Xitay - amérika soda söhbiti ötküzülmekte

Nöwettiki iqtisadiy krizislarning tesirini azaytish üchün, xitay we amérika soda söhbiti ötküzmekte. Xewerlerge qarighanda söhbetning muzakire témisi, ikki dölet arisiki yéza igilik mehsulatliri sodisi, yimek bixeterliki mesilisi, mehsulatlarning patént hoquqi mesilisi qatarliq köp tereplime mesililerni öz ichige alidu.
Muxbirimiz shöhret hoshur
2008-09-18
Share

 Dunya soda teshkilati düshenbe küni,xitayning xelq'ara sodida, kélishimnamilerge ri'aye qilmaywatqanliqini bildürgen idi. Bu nuqtida yawropa birliki we amérikimu shikayetchi bolup, xitayning erkin bazar prinsiplirigha xilap halda, xelq pulining qimmitini kontrol qiliwatqanliqini,bu arqiliq mehsulatlirining tennerqini töwenlitip, xelqara bazarda üstünlükke érishiwatqanliqini eyiblep kelmekte idi.

Xitay shirketlirining, amérika sen'et mehsulatlirini ruxsetsiz köchürüshi, marka oghrilishi amérika terepni narazi qilip kéliwatqan mesililerning biri idi. Bu qétimqi yighinda xitay terep amérika - xitay sodisida hel qilishqa tégishlik köp mesililer barliqini étirap qilghan.

Bügünki xewerlerge qarighanda yene, xitay, qush yémeklikliri qatarliq bir türküm amérika mehsulatlirigha qarita yolgha qoyghan import cheklimisini emeldin qaldurghan.

Nöwette amérikida yuz bériwatqan bir qisim iqtisadiy krizislarning tesirige xitay shirketlirimu uchrighan. Xitay tijaret bankisi bügün, amérikida aldinqi hepte weyran bolghanliqini élan qilghan léxman broder shirkitide 70 milyon dollarliq meblighi barliqini ashkarilighan. Mana bu ehwallarning bu qétimqi soda söhbitige tesir körsitidighanliqi perez qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.