Xitay izchil türde gruziye mesiliside rusiyini qollimighan

Rusiye hökümiti shenbe küni yawropa ittipaqining wasitichiliqi bilen tüzülgen kélishimge bina'en bir qisim qoshunlirini gruziyidin chékindürüshni bashlighan bolup, yawropa ittipaqi gruziyige 200 kishilik bir tekshürüsh hem közitish ömiki ewetidu.
Muxbirimiz ümidwar xewiri
2008-09-14
Share

 Rusiyining gruziyige hujum qozghap, abxaziye we jenubiy ossétiyini musteqil qilishi bilen gherb dunyasining jiddiy naraziliqlirini qozghap, gherb bilen rusiye arisida ixtilaplar ötkürliship ketken. Rusiye bu sewebtin xitayning qollishigha muhtaj bolsimu, lékin hazirgha qeder xitay terep ikki jumhuriyetni étirap qilmighan hemde rusiye bilen bir meydanda amérika bashliq gherbke qarshi pozitsiye bildürmigen bolsimu, lékin putin xitayning bu xil otturida turush siyasitidin ümidsizlenmeydighanliqini izhar qilghan idi.

Emma, mutexessisler xitayning bu qétim zadi néme üchün rusiyining gherb bilen bolghan munasiwiti eng jiddiy we keskin halgha kélip qalghiche özining ittipaqchisi hésablan'ghan rusiyini qollimaydu? dégen mesile üstide dawamliq munazire qilmaqta.

Rusiye metbu'atliridiki uchurlargha qarighanda, bir qisim xitayshunaslar rusiyining bu qétim qiyinchiliqqa uchrighanda, xitayning qollash meydanini ipadilimigenlikidin uning heqiqiy mahiyitini yeni rusiye bilen bolghan hemkarliqni dep gherb bilen bolghan munasiwitini yamanlashturiwalmaydighanliqini chüshiniwalghanliqini otturigha qoyushti.

Amérika stanford uniwérsitétining bir proféssor ning qarishiche, junggo gerche rusiye bilen yaxshi munasiwetke muhtaj bolsimu, lékin u rusiyining kawkaziye rayondiki tesirining bek küchiyip kétishini körüshni xalimaydu. Gruziye - rusiye herbiy toqunushi junggo üchün köp purset élip kelmeydu.

Gherb metbu'atlirida yene buning sewebliri heqqide egerde xitay abxaziye bilen jenubiy ossétiyining musteqilliqini qollisa, u chaghda, teywen, tibet we Uyghurlarning musteqilliqi mesiliside bashqilarning pozitsiyisige qandaq mu'amile qilish kélip chiqidu. Shunga xitay üchün eng yaxshisi, bir dölettin ayrilip, musteqil bolghan jaylarni qollimasliq, dégendek tehlillermu otturigha chiqti.

Nöwette, xitayning ottura asiya we kawkaziyining néfitliri hem tebi'iy gazlirigha köz tikiwatqanliqining rusiyige nisbeten riqabet peyda qiliwatqanliqi heqqide mulahiziler mewjut.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet