вал стрит журнал гезитиниң хәвәр қилишичә, хитай ташқи ишлар минстирлиқиниң баянатчиси, әркин асия радиоси узундин бери, хитай һәққидә бир тәрәплимә, хата хәвәр бериватиду, дәп көрсәткән һәмдә " биз, чәтәлләрдики нурғунлиған мәтбуат органлириниң, әркин асия радиосиниң тибәт һәққидики хәвәрлиридин пайдиланғанлиқини билимиз. тоғра болмиған бу хәвәрләр хитай хәлқиниң шуниңдәк тәрәпсиз чәтәл мәтбуатиниң тәнқидигә учримақта" дегән. лекин у әркин асия радиосиниң қайси хәвириниң тоғра болмиғанлиқи һәққидә ениқ бир мисал бәрмигән.
әркин асия радиосиниң баянатчиси, сара җәксинһан, хитай һөкүмитиниң әйибләшлирини рәт қилип, әркин асия радиоси тибәттики наразилиқ һәрикити тоғрисида, тибәттики ишәнчилик мәнбәләрдин ишәнчилик мәлуматларни алғандин кейин, андин бу хәвәрни дуняға тарқатқанлиқини вә дуня мәтбуатиниң әркин асия радиосиниң тибәттики наразилиқ һәрикити тоғрисидики хәвәрлиридин пайдиланғанлиқини билдүрди.