Явропа парламентида хитайни қаттиқ тәнқидләйдиған йәнә бир доклат оттуриға қоюлди

Явропа парламентида явропа парламенти тәрәққият комитетиниң әзаси анна мария ханим тәйярлиған хитайға мунасивәтлик бир доклат һазир музакирә қилинмақта.
Мухбиримиз вәли хәвири
2008.04.23

 Америка авазиниң баян қилишичә, бу доклатта хитайниң кишилик һоқуққа таҗавуз қилидиған, байлиқларни булаң - талаң қилишни мәқсәт қилған африқа сиясити қаттиқ тәнқидләнгән вә буниңдин кейин явропа бирликиниң судан вә зимбабвйдәк дөләтләргә мәбләғ салмаслиқи, африқида хитай қоллаватқан һәр қандақ чирик һөкүмәтләр билән келишим түзмәслики тәшәббус қилинған.

Хәвәрдә ейтилишичә, явропа парламентида йеқиндила хитайниң тибәттә йүргүзгән зораванлиқини әйибләйдиған бир қарар мақулланғандин кейин, хитайниң хәлқарада қоллиниватқан һәр бир һәрикити хәлқараниң нәзиридин сақит болмайдиған һазирқидәк бир йеңи вәзийәттә, бу қетим йәнә хитайниң африқа сияситини қаттиқ әйибләйдиған бу доклат оттуриға қоюлған иди.

Явропа парламентида бу доклат һәққидә баһа елан қилған парламент әзалири хитайни африқидики йеңи мустәмликичи' дәп көрсәтти, бу доклатни дәрһал мақуллашни тәвсийә қилди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.