Явропа бирлики, байқут хитайни зиянға учритиду дәп әскәртти

Бейҗиң олимпикиниң мәшәл узутуш паалийити бу йил 7 ‏ - април күни парижда оңушсизлиққа йолуққандин кейин, хитай милләтчилири франсийигә қарши аммивий наразилиқ һәрикити башлиған иди.
Мухбиримиз шөһрәт һошур хәвири
2008-04-24
Share

 Олимпик мәшилиниң парижда үч қетим өчүрулиши вә мәшәлниң тәнһәрикәтчиләр тәрипидин әмәс аптувузда елип меңилиши, бир қисим хитай пуқралирида мәғлубийәт туйғуси пәйда қилған болуп, булар наразилиқини ипадиләш үчүн франсийиниң хитайдики ширкити carrefour ниң маллирини байқут қилған иди.

Түнүгүн йәни 23 ‏ - април күни явропа бирлики тиҗарәт комитетиниң хитайда турушлуқ вәкили Joerg Wuttke әпәнди бу һәқтә сөз қилип, байқут хитайни зиянға учритиду дәп агаһландурған.
 
Вутки сөзидә Carrefour да сетиливатқан малларниң %95 ниң хитай маллири икәнликини һәм Carrefour да 40 миң хитай хизмәт қиливатқанлиқини әскәрткән. У сөзидә йәнә: " сиз байқут дәп варқираватқан вақтиңизда қарши тәрәпму җим турмайду, явропадиму хитай маллири байқут қилиниду, франсийиликләр хитай маллирини байқут қилса, зиян тартқучи тәрәп хитай болиду. Әгәр өзара өч елиш давам қилса, ишниң нәдә тохтайдиғанлиқи әстин чиқмаслиқи керәк дәп әскәрткән.

Нөвәттә ғәрб дөләтлиригә қарши давамлишиватқан хитайдики аммивий қаршилиқ һәрикәтлири, бир тәрәптин хитай даирлирини хош қилсиму йәнә бир тәрәптин әндишигә салмақта. Һөкүмәтниң әндишиси намайишларниң контролдин чиқип кетип ақивәттә мәвҗут һакимийәткиму тәһдит селип қелиш еһтималлиқидур.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт