Ши җинпиң шенҗенда сөзлигән нутқи җәрянида қайта-қайта йөтилип, сөзини давам қилишта қийналған

Мухбиримиз җүмә
2020-10-18
Share
Xijinping-Yotel.jpg Ши җинпиң шенҗенда сөзлигән нутқи җәрянида қайта-қайта йөтилип, сөзини давам қилишта қийналған.
Social Media

"хәвәр һәптилики" журнилиниң хәвәр қилишичә, хитай компартийәси секретари ши җинпиң чаршәнбә күни шенҗенда сөзлигән нутқи җәрянида бир нәччә қетим йөтилип кәткән, хитай дөләтлик телевизийәси нәқ мәйдандин сүрәткә еливатқан аппаратни ши җинпиңдин йөткәп башқа көрүнүшләрни елишқа мәҗбур болған.

Хәвәргә қариғанда, ши җинпиң шенҗен алаһидә тәрәққият райони тәсис қилинғанлиқиниң 40 йиллиқи мунасивити билән чақирилған йиғинда 50 минуттин артуқ сөзлигән вә сөзиниң ахириға кәлгәндә қайта-қайта йөтилип сөзини давам қилишта қийналған. 

Бу һәқтики хәвәрләр хоңкоңдин чиқидиған "алма" күндилик хәвәрләр гезитидиму берилгән. Хәвәрдә, телевизор көрүнүшлиридә ши җинпиңниң йөтилип кетип су ичкәнлики көрситилгән. 

Хәвәргә қариғанда, йиғинни нәқ мәйдандин тарқитиватқан хитай мәркизий телевизийә истансиси ши җинпиң йөтилип кәткәндә аппаратни йиғин қатнашқучилириға йөткигән болсиму, ши җинпиңниң йөтәлгән авази аңлинип турған. 

Бу һәқтики хәвәр тәйвән "яху хәвәрләр тори" диму берилгән. Улар хәвәр темисида "ши җинпиң қаттиқ йөтәлди" дегән ибариләрни ишләткән. 

Хәвәрләргә қариғанда ши җинпиң 50 минутлуқ нуқтиниң ахирқи 7 минутлуқ қисмида 4 қетим йөтәлгән. 

"вайс" хәвәрләр ториниң көрситишичә, ши җинпиңниң йөтилиш һадисиси униң саламәтлики һәққидики һәр хил гуман вә пәрәзләрниң оттуриға чиқишиға сәвәб болған. 

С н н ниң бу һәқтики хәвиридә көрситилишичә, ши җинпиңниң корона вирусини билән юқумлинип қелиш еһтималлиқи интайин йоқ дейәрлик болуп, униң йөтилигә залниң һаваси, нутуқ вақтиниң узун болуши қатарлиқ амиллар сәвәб болған болуши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт