Америка доклат елан қилип, хитайни диний әркинлик еғир дәпсәндичиликкә учраватқан " алаһидә диққәт қилинидиған дөләтләр" тизимликигә киргүзди

Америка ташқий ишлар министирлики җүмә күни дунядики һәр қайси дөләтләрниң 2008 - йиллиқ диний әркинлик вәзийити тоғрисида доклат елан қилип, хитайни диний әркинлик еғир дәпсәндичиликкә учраватқан " алаһидә диққәт қилинидиған дөләтләр" тизимликигә киргүзди.
Мухбиримиз өмәр қанат
2008-09-20
Share

 Хитай даирилириниң уйғур аптоном райони вә тибәттә диний әркинликкә зиянкәшлик қилишниң үзликсиз еғирлишиватқанлиқини тәкитлигән доклатта, " тибәт буддистлири, уйғур мусулманлириға охшаш диний гуруһлар вә аз санлиқ милләтләр диний етиқади, тили вә милли мәдинийәт җәһәттики алаһидилики түпәйлидин иҗтимаий кәмситишкә учримақта," дәп әскәртилгән.

Доклатта уйғурларниң әһвалиға алаһидә орун берилгән болуп, "һөкүмәт рухсәтсиз диний китаплар оқуған яки сақлиған, һөкмәт тәрипидин қанунсиз диний паалийәт дәп бәлгиләнгән паалийәтләргә қатнашқан уйғурларни тутқун қилишни өзлүксиз давамлаштурмақта шундақла уйғурларниң әнәнивий диний паалийәтлирини өткүзүшини чәклимәктә" дейилгән.

Доклатта йәнә уйғурларға мунасивәтлик бәзи конкирит диний делоларму тилға елинған болуп, буниңда ақсуниң кәлпин наһийиси үстүнки қумериқтики бир мәсчитниң қанунсиз селинғанлиқи вә рухсәтсиз ибадәт билән шуғулланғанлиқи түпәйли чеқиветилгәнликини билдүргән.

Уйғурларниң һәҗ ибадитигә чәклимә қоюливатқанлиқини илгири сүргән доклатта, 2007 - йили һәҗ қилған уйғур һаҗиларниң сани җидди азлиғанлиқи, 2007‏ - йили һәҗ қилған уйғур һаҗиларниң 2006 - йилқидин 3100 киши азайғанлиқини тәкитлигән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт