Буш бейҗиң олимпик йиғиниға қатнишиду

Японийидә өткүзүлидиған сәккиз санаәтләшкән дөләт башлиқлири йиғиниға қатнишиш үчүн японийигә кәлгән америка президенти җорҗ буш йәкшәнбә күни японийә баш вәзири футийән каңфу билән көрүшүп, сөһбәт өткүзгәндә өзиниң бейҗиң олимпик йиғининиң ечилиш мурасимиға қатнишидиғанлиқини җакарлаш билән биргә йәнә " бейҗиң олимпик тәнһәрикәт йиғиниға қатнашмаслиқ хитай хәлқи үчүн һақарәт" дәп тәкитлигән.
Мухбиримиз үмидвар хәвири
2008.07.06

 Б б с агентлиқиниң йезишичә, японийә баш вәзириму өзиниң бу мурасимға қатнишидиғанлиқини билдүргән. Бирақ, франсийә президенти саркозий болса, өткән дүшәнбә күни әгәр бу қетим бейҗиң билән тибәтләр арисидики сөһбәт яхши өткүзүлсә, өзиниң бейҗиң олимпик мурасимиға қатнишидиғанлиқини билдүргән һәмдә 8 - айда далай лама франсийини зиярәт қилғанда униң билән көрүшидиғанлиқини әскәрткән. Германийә баш министири меркел ханимму өзиниң бу мурасимға қатнашмайдиғанлиқ мәйданини техи өзгәртмигән.

Бу қетим японийидә өткүзүлидиған сәккиз санаәтләшкән америка, японийә, германийә, италийә, франсийә, әнглийә, канада вә русийә қатарлиқ дөләт башлиқлири йиғинида олимпик темисидин башқа йәнә һава килимати, екологийә һәм енергийә мәсилилириниң музакирә қилинидиғанлиқи пәрәз қилинмақта.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.