خىتاي كومپارتىيىسى 16 - قۇرۇلتىيىنىڭ 5 - ئومۇمى يىغىنى ئېنېرگىيە كرىزىسى مۇزاكىرە قىلدى


2005-10-10
Share

بېيجىڭدا چاقىرىلغان خىتاي كومپارتىيىسى مەركىزى كومىتېتى 16 - قۇرۇلتىيىنىڭ 5 - ئومۇمى يىغىنى يەكشەنبە كۈنى خىتاي دۇچ كېلىۋاتقان ئېنېرگىيە كرىزىسىنى ھەل قىلىش مەسىلىلىرى بويىچە مۇزاكىرە ئېلىپ بارغان. كەلگۈسى 5 يىل ئىچىدە ئېنېرگىيە ئىمپورتىنى كېڭەيتىش، خىتاي شىركەتلىرىنىڭ چەتئەلدە نېفىت، تەبىئىي گاز ۋە كان مەھسۇلاتلىرىغا مەبلەغ سېلىشىنى قوللاشنى ئوتتۇرىغا قويۇپ، ئېنېرگىيە يېتىشمەسلىك مەسىلىسىنى ھەل قىلىش پىلانى ماقۇللىغان.

نۆۋەتتە خىتاي دۇنيا بويىچە ئامېرىكىدىن قالسا 2 - چوڭ نېفىت ئىستىمال قىلىدىغان دۆلەتكە ئايلاندى. ئانالىزچىلارنىڭ تەكىتلىشىچە، خىتاينىڭ ئېنېرگىيىگە بولغان ئىھتىياجىدىكى ئېشىش، نېفىت باھاسىنىڭ ئۆرلەپ كېتىشىنى كەلتۈرۈپ چىقارماقتا.

خىتاي مەتبۇئاتلىرىدا دائىرىلەرنىڭ ئۇيغۇر ئاپتونوم رايونىدىكى ئېنېرگىيە مەنبەئەلىرىنى ئېچىش پىلانى توغرىسىدا توختالمىدى. ئەمما يىغىن باشلىنىشتىن ئىلگىرى خوڭكوڭدا چىقىدىغان "ۋېن خۇي" گېزىتى، كومپارتىيە مەركىزى كومىتېتىنىڭ 11 - يىللىق پىلاندىكى ئېنېرگىيە مەسىلىسىگە دائىر بىر دوكلاتىدا، ئۇيغۇر ئاپتونوم رايونى خىتاينىڭ تەبىئىي مەنبەئەلەر بىخەتەرلىكى رولىنى ئوينايدىغان رايون، دەپ ئاتىغانلىقىنى تەكىتلىگەن.

"ۋېن خۇي" گېزىتىنىڭ ئەسكەرتىشىچە، زېڭ چىڭخوڭنىڭنىڭ ئۇيغۇر ئاپتونوم رايونىدىكى زىيارىتى خىتاينىڭ ئېنېرگىيە ئىستراتېگىيىسى بىلەن مۇناسىۋەتلىك ئىكەن. زېڭ چىڭخوڭ، خىتاينىڭ غەربنى ئېچىش ئىستراتېگىيىسى مۇھىت قوغدىغۇچىلار ۋە ئۇيغۇر تەشكىلاتلىرىنىڭ تەنقىدىگە ئۇچراۋاتقان بىر چاغدا، "ئۇيغۇر ئاپتونوم رايونى جوڭگونىڭ مۇھىم ئىستراتېگىيىلىك ئېنېرگىيە بازىسى بولۇپ قالىدۇ"، دەپ تەكىتلىگەن ئىدى. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت