Америка авам палата әзаси Frank Wolf хитай зияритиниң хуласисини елан қилди

Америка авам палата әзаси Frank Wolf өткән һәптидики хитай зияритиниң хуласисини елан қилди. Доклатта, хитайниң инсан һәқлири вәзийитидә қилчиму илгириләш болмиғанлиқи, әксинчә зор дәриҗидә чекиниш йүз бериватқанлиқи оттуриға қоюлған.
Мухбиримиз җүмә хәвири
2008.07.17

 Франк волф алдинқи һәптә хитайни зиярәт қилған. Зиярити давамида, хитай хәлқ қурултийиниң ташқи ишлар комитети мәсулиға хитайда тутуп турулуватқан 734 нәпәр сиясий мәһбусниң тизимликини тапшурған вә уларниң қоюп берилишини тәләп қилған иди. Қоюп берилиши тәләп қилинғанлар ичидә 46 нәпәр уйғур сиясий мәһбусниң тизимлики бар иди.

Франк волфниң бүгүнки доклатида, уйғур мусулманлириниң узундин бери наһәқ җазалинип келиватқанлиқи әскәртилгән. Җорҗ бушниң бейҗиң олимпикиниң ечилиш мурасимиға қетилиш қарари йәнә бир рәт тәнқид қилинған доклатта, җорҗ бушниң бейҗиңға барғанда, инсан һәқлири мәсилисидә хитай тәрәп билән хупиянә әмәс бәлки хәлққә ашкара һаләттә сөзлишишни тәләп қилған.

Франк волф доклатида йәнә, бейҗиңдики чеғида, америка авази қатарлиқ ахбарат орунлириниң тор бетигә кирәлмигәнликини, хитайниң интернет чәклимисини давамлаштуруватқанлиқини баян қилған.
Мунасивәтлик хәвәрләр
Хитай вә тәйвән хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.