Xitay kompartiyisining omumiy yighinida jem'iyet muqimliqi asasliq muzakire qilinidu

Xitay kompartiyisi merkiziy komitétining 16 - nöwetlik 5 - omumiy yighini échilishining harpisida, amérika birleshme axbarat agéntliqi, bu qétimqi yighinda jem'iyettiki muqimsizlik weziyitining éghirlishishi we bay, kembeghellik perqining zoriyishi mesilisining nuqtiliq muzakire qilinidighanliqini bildürdi.

Xitay kompartiyisi merkiziy komitétining 16 - nöwetlik 5 - omumiy yighini mushu shenbe küni bashlinidu. Töt kün dawamlishidighan bu yépiq yighinda, xitayning kiler besh yilliq iqtisadiy tereqqiyat pilani bikitilidu.

Amérika birleshme axbarat agéntliqining xewirige qarighanda, xitay kompartiyisining bash sékritari xujintaw yighinda hoquqini téximu mustehkemlesh bilen birge, jang zéminning qalduq siyasiy tesirini pütünley tazilaydiken.

Xitayning iqtisadiy téz tereqqiy qiliwatqan bolsimu, emma bay- kembeghellik perqining buninggha egiship téz zoriyishi we chériklikning éghirlishishi bilen xitayning her qaysi jaylirida namayish, naraziliq pa'aliyetler köplep yüz bermekte. Ötken yili xitayda 74 mingdin artuq chong namayishlar yüz bergen bolup, bu xitay kompartiye rehberlirini chöchütken. (Arzu)