Хитай нефит базири ечиш һәққидә бәлгилимә чиқарған


2006-12-06
Share

Франсийә агентлиқиниң бейҗиңдин хәвәр қилишичә, хитай һөкүмити 2007 ‏- йили 1 ‏- айниң 1 ‏- күни нефит мәһсулатлирини вә хам нефитни топ сетиш базири ечиш һәққидә бәлгилимә чиқарған. Хитайниң сода миниситири буни 'кәлгүсидә җуңгода нефит базири ечиш үчүн қилиниватқан тиришчанлиқ' дәп баян қилған.

Хитай һөкүмитиниң нефит мәһсулатлирини вә хам нефитни топ сетиш базири ечиш һәққидә чиқарған бәлгилимисидә, нефит мәһсулатлирини чәтәлликләргә топ сатқучиларниң чуқум 10 миң купметирлиқ нефит искилати вә бир қетимда милйон тонна нефит импорт қилалайдиған салаһийәт кенишкиси болуши керәк, дәп бәлгиләнгән.

Хитай һөкүмитиниң нефит базири ечиш һәққидә чиқарған йәнә бир айрим бәлгилимисидә, нефит мәһсулатлирини хитайда топ сатқучиларниң аз дегәндә 100 милйон юән капитали болуши вә тиҗаритини тизимға алдурған болуши керәк, дәп бәлгиләнгән. Мәлуматларға асасланғанда, хитай һазир дуняда нефит санаитини дөләт тәрипидин манапол қилип келиватқан биридин- бир дөләт. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт