Xitay néfit baziri échish heqqide belgilime chiqarghan


2006.12.06

Fransiye agéntliqining béyjingdin xewer qilishiche, xitay hökümiti 2007 ‏- yili 1 ‏- ayning 1 ‏- küni néfit mehsulatlirini we xam néfitni top sétish baziri échish heqqide belgilime chiqarghan. Xitayning soda minisitiri buni 'kelgüside junggoda néfit baziri échish üchün qiliniwatqan tirishchanliq' dep bayan qilghan.

Xitay hökümitining néfit mehsulatlirini we xam néfitni top sétish baziri échish heqqide chiqarghan belgilimiside, néfit mehsulatlirini chet'elliklerge top satquchilarning chuqum 10 ming kupmétirliq néfit iskilati we bir qétimda milyon tonna néfit import qilalaydighan salahiyet kénishkisi bolushi kérek, dep belgilen'gen.

Xitay hökümitining néfit baziri échish heqqide chiqarghan yene bir ayrim belgilimiside, néfit mehsulatlirini xitayda top satquchilarning az dégende 100 milyon yu'en kapitali bolushi we tijaritini tizimgha aldurghan bolushi kérek, dep belgilen'gen. Melumatlargha asaslan'ghanda, xitay hazir dunyada néfit sana'itini dölet teripidin manapol qilip kéliwatqan biridin- bir dölet. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.