Бейҗиң олимпикиниң бәзи түрлирини һав булғиниши сәвәблик кечиктүрүлүши мумкин
2007.11.02
1- Ноябир пәйшәнбә күни, хәлқара олимпик комитети рәиси җаккс роге, келәр йили хитайда өткүзүлидиған олимпик йиғинида һав булғиниши сәвәблик, бәзи мусабиқә түрлирини өз вақтида өткүзүш яки өткүзмәсликни бәлгиләш үчүн, олимпик комитети мунасивәтлик тармақлириниң, бейҗиңниң күндилик һава булғиниш әһвалини тәкшүрүп туридиған көзитиш системиси орунлаштуридиғанлиқини билдүргән.
Униң ейтқанлириға қариғанда, марафончә йүгүрүш, узақ мусапилик велисипит мусабиқиси қатарлиқ вақит тәләп қилидиған бәзи мусабиқә түрлири, һава сүпити сәвәблик бирнәччә саәт, яки бирнәччә күн кечиктүрүлүши мумкин икән.
Ройтерс агентлиқиниң рогениң ейтқанлиридин нәқил елип көрситишичә, у олимпик хадимлириниң бейҗиңниң һава сүпитигә қарита қандақ йосунда көзитиш елип баридиғанлиқиға қарита: " хитай билән бир гә биз бир нәччә түрлүк тәкшүрүш орунлирини тәсис қилдуқ. Бейҗиңға орунлаштурулған 20 орундики тәкшүрүш мәркәзлири бизгә мәлуматларни торда йоллап туриду" дегән.
Униң билдүрүшичә, 2001 - йилидин 2007 - йилғичә болған арилиқта хитайниң санаәт ишләпчириш нисбити 80 пирсәнт өрлигән болуп, бу хил әһвал хитай һава сүпитиниң начарлишишини кәлтүрүп чиқарған икән.
2008 - Йиллиқ бейҗиң олимпики хәлқарада һәрхил наразилиқ кәйпиятлирини қозғаватқан болуп, бәзи кишилик һоқуқ тәшкилатлири, хитайда күнсайин еғирлишип бериватқан кишилик һоқуқ хатириси түпәйли, мәзкур олимпикни байқут қилиш тәшәббусини оттуриға қойған.
Йеқинда америкилиқ кино чолпини мия фаро, дарфур районидики ирқий қирғинчилиққа четишлиқ судан һөкүмитини хитайниң үзлүксиз қоллап келиши сәвәблик 2008 - йиллиқ бейҗиң олимпикини "қирғинчилиқ олимпики" дәп атиған вә 2008 - йиллиқ бейҗиң олимпикини байқут қилиш пикирини мәйданға чиқарған иди. (Җүмә)
Мунасивәтлик мақалилар
- Хоңкоң демократийә рәһбири ли җумиң хәлқара җәмийәтни олимпик мәзгилидә хитайға бесим ишлитишкә чақирди
- Бейҗиңдики һава булғиниши бир қисим тәнһәрикәт түрлириниң вақтини кечиктүрүши мумкин
- Хитайда қумлишиш еғирлашмақта
- Хитайда муһит вә суниң булғиниши сәвәблик инсанлар муддәттин бурун һаятидин айрилмақта
- Ғәрбий җәнуби хитайда нәччә миң амма булғинишқа қарши намайиш елип барди
- Ч м т: олимпиккә аз қалған болсиму, хитай кишилик һоқуқи әһвалида өзгириш болмиди
- Хитайдики чоң дәряларда су йүзи төвәнләп кәтти
- Уйғур аптоном районидики муз қатламлири хәтәрлик әһвалға келип қалди
- Олимпик комитети әмәлдариниң бейҗиң олимпик мусабиқиси һәққидики сөзи тәнқидкә учриди
- Муһит булғинишидин хитайда һәр йили йүз миңлиған адәм өлмәктә
- Бейҗиң олимпикида ишлитилиш үчүн қурулуватқан тиктак топ залиға от кәтти
- Хитай армийиси бейҗиң олимпик мусабиқисида бихәтәрликни қоғдаш хизмитигә қатнишиду
- Уйғур елидә олимпик мәшилини йәрлик партийә секритари көтәрмәкчи