Хитайда қар апити давамлашмақта


2008-02-02
Share

Хитайниң мәркизи, шәрқий вә җәнубий районлирида, аз дегәндә 60 кишиниң өлүмигә 223 миң ойниң өрүлүп чүшүшигә шуниңдәк 862 ойниң зиянға учришишиға сәвәб болған қар апити вә начар һава шәртлири һелиму давамлишиватқан болуп, хитай һөкүмәт даирилириниң хәвәр қилишичә, бу қетимқи қар апитидә зиянға учриғанларниң сани 78 милйон кишигә йәткән.

Шинхуа агентлиқиниң хәвәр қилишичә, бейҗиң һөкүмити, хитайниң җәнубий районлиридики қутқузуш паалийәтлиригә ярәдм бериш үчүн 360 миң әскәрни сәпәрвәр қилған шундақла гуваңҗу пойиз истансисидики қалаймиқанчилиқниң алдини елиш вә нәзим вә тәртипни қайтидин орнитиш үчүн, гуваңҗу һәрбий районидин 1500 дин артуқ әскәр вә офитсер гуваңҗу шәһиригә әвәтилгән.

Хәвәрләргә қариғанда, қар апти сәвәбидин, пойиз истансилирида амалсиз қалған йолучиларниң сани 6 милйон кишигә йәткән болуп, уларниң мутләқ көп қисими, йеңи йилини аилилири билән бирликтә өткүзүш үчүн, хитайниң чоң шәһәрлиридин йеза -қишлақларға қарап йолға чиққан, аққун ишчилар икән.

Гәрчә, хитай һөкүмәт хәвәрлиридә, қар апитидә зиянға учриғанларға ярдәм қилиш үчүн пүтүн һөкүмәт органлириниң пидакарлиқ билән кичә- күндүз ишләватқанлиқи һәмдә ярдәмләрниң вақтида йәткүзүлүватқанлиқи тәкитлиниватқан болсиму, әмма хитайдики интернет торбәтлиридә нурғун кишиләр, һөкүмәтниң қар апитидә зиянға учриғанларни қутқузуш вә уларға ярдәм бериш паалийәтлиридә нурғун кәмчиликләрниң мәвҗут икәнликидин, һөкүмәтниң ярдәм вә қутқузуш паалийәтлиридә йетәрсиз қиливатқанлиқидин, шикайәт қилмақта. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт