Ma yingju gomindangning 'aq térrorluq' jinayiti üchün teywen xelqidin epu soridi

Teywen prézidénti ma yingju bügün teybéy baghchisida ötküzülgen bir pa'aliyette söz qilip, gomindang teywen'ge hökümranliq qilghan mezgilde 'aq térrorluq' yürgüzüp, siyasi köz qarishi oxshimaydighan kishilerge qirghinchiliq qilghan we a'ile tewelirige ziyankeshlik qilghan jinayiti üchün yerlik xelqtin epu soridi we buningdin kéyin teywende bundaq weqe yüz bermeydu, dep wede berdi.
Muxbirimiz weli xewiri
2008.07.16

 Roytéris agéntliqining bayan qilishiche, ma yingju sözide, gomindang teywende hökümranliq qilghan yillarda, gomindangning hökümranliqigha qarshiliq körsetken teywenliklerdin 140 ming adem qirip tashlan'ghan we türmige élin'ghanliqini ashkarilighan. Ma yingjuning bu sözi teywendiki radi'o - téléwiziyilerde toluq tékisti bilen anglitilghan.

Xewerde éytilishiche, gomindang chong quruqluqta 1930 ‏ - yillardin 40 ‏ - yillarghiche bolghan bir tarixiy dewrde 22 yil höküm sürgendin kéyin, axir mawzédung bilen bolghan urushta meghlup bolup qachqanda teywenni igiliwalghan.

Shuningdin kéyinla teywende 'aq térrorluq' yürgüzüp, démokratiyini we musteqilliqni arzu qilidighan kishilerni qattiq jazalighan. Teywen 1980 ‏ - yillarda démokratiye yoligha mangghandin kéyin, teywende öktichi partiyilerning mewjutluqi qanunlashti.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.