Mayingju söhbetning shertining teywenni nishanlighan rakétalarni bikar qilish ikenlikini körsetti

Xitay chong quruqluqi bilen teywen otturisidiki munasiwetlerni qoyuqlashturush arqiliq, teywenni junggoning qoynigha qayturup kélip, uning musteqilliq yoligha méngishning aldini élishning béyjingning istratégiyilik pilani ikenliki tekitliniwatqan bu künlerde yéngidin prézidéntliqqa saylan'ghan gomindang partiyisining rehbiri mayingju shenbe küni teywen bilen chong quruqluq otturisidiki tinchliq söhbiti ötküzülüshining aldinqi sherti chong quruqluqning teywen'ge qaratqan bashqurulidighan bombilirini bikar qilishidin ibaret, chünki teywen mundaq bashqurulidighan bomba tehditi astida qarshi terep bilen tinchliq söhbiti élip barmaydu dep jakarlidi.
Muxbirimiz ümidwar xewiri
2008-07-20
Share

 Amérikining s n n téléwiziye istansisining xewer qilishiche, mayingju bu sözni mezkur téléwiziye istansisining ziyaritini qobul qilghanda otturigha qoyghan shuningdek yene bir qanche qétim dadilliq bilen chong quruqluqtin teywen'ge qaratqan rakéta sistémilirini chékindürüshni telep qilghan.

Teywen prézidénti mayingju bundaq telepni yaponiye we amérika metbu'atlirining ziyaritini qobul qilghandimu otturigha qoyghan bolup, nöwette, xitayning 1000 din artuq rakétasi teywenni nishanlap turmaqta. Bu hal musteqilchi prézidént chénshuybi'en dewridila ishqa ashqan bolup, elwette, gomindang partiyisi ariliqta bir qanche yil hakimiyettin ayrilghanda, teywende musteqilliq pikirliri ewji alghan.

Gomindangning esli nishani chong quruqluqqa qaytip, özining 1949 - ylidin ilgiriki hakimiyitini we abroyini eslige keltürüsh bolghachqa musteqilliqigha ashkara qarshi chiqmaqta. Mayingju yene gomindangning chong quruqluqqa démokratik özgirish élip kélish idiyisinimu himaye qilidu. Sabiq gomindang re'isi li'anjyan bilen xitay kompartiye bash sékritari xu jintaw bir qanche qétim uchrashqan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet