Хитайда тибәтләргә қарши намайиш

Шәнбә күни, хитайниң вухән, хеби, бейҗиң вә кунмиң қатарлиқ шәһәрлиридә, тибәтләрниң мустәқиллиқ һәрикити вә франсийиниң тибәт мәсилисидә тутқан позитсийисидә шуниңдәк олимпик мәшилиниң париж дин өтүши җәрянида, йүз бәргән вәқәләргә қарши наразилиқ намайиш елип берилди.
Мухбиримиз өмәр қанат хәвири
2008.04.19

 Тибәтниң мустәқиллиқ һәрикитигә қарши шуарлар йезилған, лозункиларни көтәргән намайишчилар, олимпик йиғинини қоллайдиғанлиқини ипадиләп, хәлқни франсийә таварлирини байқут қилишқа чақирған.

Гәрчә, хитай һөкүмити, бу наразилиқ һәрикәтлириниң хәлқ тәрипидин елип бериватқанлиқини, бундақ намайишлар арқилиқ уларниң, өзлириниң вәтәнпәрвәрлик һессиятини ипадиләватқанлиқини тәкитлигән болсиму, лекин нурғунлиған мулаһизичиләр бу наразилиқ һәрикәтлирини хитай һөкүмитиниң бир қоллуқ тәшкилләватқанлиқини баян қилмақта.

Һәтта, нурғунлиған хитай зиялийлири, хитайда елип бериливатқан мәзкур наразилиқ һәрикәтлирини тәнқид қилип, бу намайишқа қатнашқанларни мәсхирә қилмақта.

 Бу һәрикәтләрни қаттиқ тәнқид қилған ваң чйәнйән вә яңлили қатарлиқ бир түркүм хитай зиялийлири мундақ дәйду. " Хәлқиниң сайлаш-сайлиниш һоқуқи тартивелинса, әркин пикир қилиш, әркин тәшкиллиниш һоқуқи чәкләнсә; инсаний һәқ тәләп қилғанларни солап қамиса, сүкүттә турғанларниң, ғәрб әллиригә вә тибәтликләргә қарши туруши күлкилик бир иш . Булар пәқәт һөкүмәтниң қарши турмайдиғанлиқини билгәнлики үчүнла кочиға чиқивалған сахта вәтәнпәрвәрләрдур."
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.