Хитай сақчилири сичүәндики йәр тәврәштә өлгән оқуғучиларниң ата - анилирини қолға алди

 Сичүәндики йәртәврәштә, мәктәп бинасиниң өрүлүп чүшүши нәтиҗисидә бир қизи өлгән, һуҗийән исимлик бир кишиниң дуҗияңйән шәһиридин ройтерис агентлиқиға билдүрүшичә, хитай сақчилири наразилиқ һәрикити елип беришқа урунған бирнәччилигән кишиләрни қолға алған.

Көпчиликкә мәлум болғандәк, сичүәндә йүз бәргән йәр тәврәштә 70000 әтрапида адәм өлгән болуп, буларниң 9000 нәпири оқуғучилар. Бу оқуғучиларниң һәммиси мәктәп биналириниң йәр тәврәштә чөкүп кетиши нәтиҗисидә қурбан болған иди.

Йәртәврәштә өлгән оқуғучиларниң ата - анилири мәктәп биналириниң ясилиши җәрянида мәзкур биналарниң йәр тәврәшкә чидамлиқ дәриҗисигә диққәт қилмиған вә биналарни тәкшүрмигән дәп мунасивәтлик һөкүмәт даирилирини әйиблимәктә һәмдә һөкүмәттин бу мәсилидә мәсулийити көрүлгән һөкүмәт хадимлирини җазалишини тәләп қилмақта.

Лекин бәзи хәвәрләргә қариғанда, йәрлик һөкүмәт даирилири ата - аниларниң шкайәтлирини аңлаш уяқта турсун, наразилиқ һәрикитигә қатнашқан ата - аниларни тутуп - қамап, наразилиқ һәрикитини тохтитиши үчүн уларға тәһдит қилмақта икән