Хитай һөкүмити ядро бомбиси вә атом синиқиға қатнашқанларға ярдәм пули тарқатмақчи


2008-01-28
Share

Хитай ахбарат вастилириниң хәвәр қилишичә, хитай һөкүмити ядро бомбиси вә атом синиқиға қатнашқан офитсер ‏- әскәрләргә ярдәм пули беридиғанлиқини уқтурған болуп, мәлум болушичә, бу хитай һөкүмитиниң тунҗи қетим шундақ қарарни елиши болуп һесаблинидикән.

Гәрчә, хитай хәлқ ишлар министири ли шөҗу хитай һөкүмитиниң бу хилдики "ярдәм пули " ни өткән йилидин башлап тарқитишқа башлиғанлиқини билдүргән болмисиму, қанчилик миқдарда вә қанчә адәмгә берилидиғанлиқи һәққидә тохталмиған.

Әмма ли шөҗу мәзкур ярдәм пули беришниң ядро синиқиға қатнашқан һәрбий ‏- офитсерлар вә авам хәлққиму қаритилғанлиқини, өткән йили хитай һөкүмитиниң һәрбий сәптин чекингән 8 милйон офитсер ‏- әскәрләргә 15 милярд 120 милйон йүән тарқитип бәргәнликиниму қошумчә қилған.

Хитай тунҗи атом синиқини 1964- йили 10- айниң 16- күни уйғур елиниң лопнор районида елип барған болуп, б б с да көрситилишичә, һазирға кәлгичә шу хилдики синақтин 40 нәччә қетим елип барған.

Хитай хәлқ ишлар министири ли шөҗу бу хилидики ярдәм пулини уйғур елидә атом радиатсийисиниң бивастә тәсиригә учриған йәрлик аммиға тарқитилидиған яки тарқитилмайдиғанлиқи, әгәр тарқитилса қандақ йосунда тарқитилидиғанлиқи үстидә тәпсилий тохталмиған.

Хитай 1996- йили 7- айда атом синиқи елип беришни тохтатқанлиқини уқтурған вә шу йили 9- айда "б д т атом синақ қилишни тохтитиш келишимнамиси" гә имза қойған болсиму, бу келишим хитайда техи һәқиқий күчә игә әмәс. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт