Xitay olimpik yighinidin burun b d t ning "puqralar hoquqi we siyasi heqler ehdinamisi" ni resmiy testiqlishi mumkin

Boshün tor békitining xongkongda chiqidighan " dagungbaw" gézitidin neqil keltürüp xewer qilishiche, béyjingdiki nopuzluq zatlar xitay da'iriliri nechche yillardin béri testiqlashni arqigha sürüp kéliwatqan b d t ning " puqralarhoquqi we siyasi heqler ehdinamisi"ni béyjing olimpik yighinidin burun testiqlimaqchi boluwatqanliqini bildürgen.
Muxbirimiz erkin xewiri
2008.07.25
Share on WhatsApp
Share on WhatsApp

 " Puqralar hoquqi we siyasi heqler ehdinamisi" b d t ning eng muhim siyasiy we kishilik heqler ehdinamilirining biri bolup, mezkur ehdinamide puqralarda bolushqa tégishlik eng asasiy erkinlik we siyasiy heqler, jümlidin puqralarning yashash hoquqi, erkinlik we kishilik bixeterlik hoquqi, ten jazasidin xali bolush, xalighanche qolgha élinish, tutqun qilinish yaki sürgün qilishtin xali bolush hoquqi, idiye, wijdan we diniy erkinlik, adil we ochuq - ashkara sotlinish hoquqi qatarliqlarni öz ichige alidu.

Mezkur ehdinamini xitayning b d t diki wekili chin xu'asün 1998 ‏ - yili 10 ‏ - ayning 25 ‏ - küni imzalighan bolsimu, lékin bu ehdiname hazirgha qeder xitay xelq qurultiyi teripidin testiqlanmighan idi. Xitay xelq'ara kishilik hoquqi teshkilatliri teripidin ehdinamide cheklen'gen nurghun mezmunlar jümlidin siyasi mehbuslargha yépiq sot échish, ten jazasi bérish, xalighanche tutqun qilish, diniy erkinlik, idiye we wijdaniy ret qilghuchilarni qolgha élish qatarliqlar bilen eyiblenmekte idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.