Хитай һөкүмити далай лама билән сөһбәт өткүзүшкә тәйярлиниватиду

Хитайниң һөкүмәт башқурушидики шинхуа ахбарат агентлиқи, хитай һөкүмитиниң тибәт роһаний даһийси далай ламаниң сөһбәт өткүзүш тоғрисидики көп қетимлиқ илтимасни көздә тутуп, далай ламаниң вәкили билән учришишқа тәйярлиниватқанлиқини хәвәр қилди.
Мухбиримиз әркин хәвири
2008-04-25
Share

 Шинхуа ахбарат агентлиқиниң хәвиридә " мәркизи һөкүмәтниң далай ламаға тутқан сиясити бирдәк. Сөһбәт ишики баштин - ахир учуқ," дәп тәкитлигән. Хитай тибәттики намайиштин кейин һәр қайси дөләт рәһбәрлириниң далай лама билән сөһбәт өткүзүш һәққидики чақириқиға дуч кәлгән. Франсийә президенти саркозий әгәр хитай далай лама билән көрүшмисә, олимпик мусабиқисини ечилиш мурасимини байқут қилидиғанлиқини тәкитлигән .

Олимпик мәшили һәр қайси дөләтләрдә тибәт, уйғур вә тибәтни яқлиғучи затларниң шиддәтлик қаршилиқиға учриған иди. Лекин шинхуа агентлиқиниң хәвиридә далай ламани әйибләйдиған сөзләрни йәнә тилға алди. Хәвәрдә учришиш вә пикир алмаштуруш арқилиқ "далай ламаниң әмили һәрикити билән вәтәнни парчилаш паалийити, кишиләрни зораванлиққа күшкүртүш, бейҗиң олимпик йиғиниға бузғунчилиқ қилиш һәрикити" ни тохтитиши, кейинки қәдәмдики сөһбәткә йол һазирлишини үмид қилидиғанлиқини тәкитлигән.

Дарамсаладики тибәт сәргәрдан һөкүмитиниң баш министири самдоң ренпочи, бу хәвәргә хитай һөкүмитиниң рәсми тәклипнамисини тапшуруп алғанда инкас қайтуридиғанлиқини билдүрди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт