Uyghur ilidin béyjinggha erz sunushqa barghan xitay erzdarlarning sani köpeymekte


2007-11-22
Share

Yéqindin buyan Uyghur ilidin béyjinggha erz qilish üchün yétip barghan xitay erzdarlar sani köpeymekte.

Istansimiz igiligen melumatlargha qarighanda, Uyghur ilidiki shixenze chüen xey shirkitining xadimliridin 11 kishi we Uyghur élining néfit sahesi xadimlirining wekili bolup, 15 ke yéqin erzdar öz dawasining, xitay merkizi hökümiti teripidin aqilane bir terep qilinishini kütmekte.

Erzdarlar ichidiki féng yungjining éri ding shingming 2001 ‏- yili höküm élan qilinip türmige solan'ghan, 2006 ‏- yili sot mehkimisi uni gunahsiz dep jakarlighan. Mezkür dilo sewebidin ding shingmingning atisi achchiq yutup ölgen. 7 Yildin buyan hökümetke erz qilip kelgen fing yungji, Uyghur ilidiki yerlik hökümet teripidin jem'iyet tertipini qalaymiqanlashturghan dep 9 qétim qamap qoyulghan, sot tarmaqliri yene ding shingmingning namidiki aptomobilni bikar qilghandin sirt, uning ayali féng yungjining namida ishlepchiqirish élip bériwatqan ashliq pishshiqlap ishlesh zawutini taqiwetken. Ding shingmingge tewe bina sot teripidin sétiwitilgen. Netijide ding shingming rohi jehettin buzulup, rohiy késellikler doxturxanisida kirip qalghan.

Mezkür diloning ding shingming a'ilisige iqtisadiy we rohiy jehettin éghir ziyan élip kelgenliki éniq bolsimu, emma Uyghur ili da'iriliri ziyanni töleshni shuningdek xata höküm chiqarghan sot xadimlirini jazalashni ret qilip kelmekte. (Eqide‏)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet